話咁快就到左14個月
BALL MAMA SKIP左中間兩個月
雖然好想寫，但已經有心無力
每日忙東忙西時間好唔見洗
今個月呢篇係堅決要補返俾波哥
BALL MAMA無藉口再偷懶
(雖然呢一刻眼瞓得要死......I-) )
0岩0岩睇返11個月的一篇
相中嘅波哥仲係好BB樣
（SORRY， BALL MAMA仍然未得閒坐定定搬BLOG......
要去YAHOO先睇到舊POST.......)
事隔幾個月，波哥已經大個左好多咁
除左樣貌的長大，佢亦0係不知不覺中學識更多
身高體重記錄
14m - 10.5kg / 77cm
(單憑自己0係屋企量度，如果聽日去健康院有唔同再更新！！）
14個月仍在學步中
係，波哥一如以往
0係呢方面都係有D落後
已經足14個月嘅佢，企得比之前穩陣左
亦開始肯自己用學步車周屋行
不過依然係搖搖下
有時企得行得好D，有時完全不在狀態兼會發脾氣
呢樣係令我最苦惱
眼見其他BB逐一學識行
但波哥進度則極度緩慢
唔擔心係假嘅 ＊聽日就已經要返健康院見姑娘
不過我確實分唔到佢係懶定係唔得
BALL MAMA今個月嘅心願係波哥快D學識行
（細細聲講大家知，每次我BLOG度講完之後，波哥就好快學識:P，佢應該都怕羞怕大家知道佢幾咁懶）
小肌肉發展
相比起大肌肉
波哥呢方面較好
上次去健康院時姑娘話佢拎野算叻
梗係啦，叫佢拎餅仲唔仆到去咩......
其次亦學識左小指令 e.g. BYE BYE, 拍手, 俾
但以上指令都好睇佢大少爺心情，鍾意就不停做，唔鍾意就當然當聽唔到
其實BALL MAMA要求唔高啦，已經收貨，費事再迫佢
當然可以做得更好，期待下個月吧！！
飲食進度
一直都無改變
只有食呢方面係完全唔洗粗心
每日2奶2飯1點心
奶食6-7安絕對唔算多
飯就相對多，食到足足1-1.5個碗仔飯量，餸另計
見佢咁俾面，BALL MAMA就更用心整
（我估BALL MAMA亦只有呢PART係稍為稱職！！煮婦呀，真係日煮夜煮嫁！！）
不過波哥都有唔合作嘅時候
可能唔太鍾意飲水
所以一直都唔肯用飲管杯
終於BALL MAMA忍唔住，買左個AVENT學習杯
打算代替個飲管杯之際
好啦，玩野大王出手
要佢用AVENT就鬼叫，調轉用飲管杯反而好少少......
我應該開心定傷心呢？？
LITTLEBALL的食物清單
其實已經試左好多好多食物，真係寫唔晒
所以以後只會寫新增食物就算～
今個月比較特別係磨茹
由於波哥無咩敏感前科
我會比較放心試新食物！！
牙仔方面，已經出到第8隻
最近日日口水長流
學識用POTTY
而家每日定時放佢落POTTY都會有進帳
BALL PAPA嘅回應係 “懶人食瞓痾係最叻......"
POTTY呢PART我會想另外寫一篇
希望唔會得個講字啦！！
黎到14個月
仍然係開心嘅時間比較多
特別係，我發現波哥係一個愛笑的小朋友
笑點相當之低.....上一次PLAYGROUP得佢一條友不停傻笑KAKAKAKA
麻煩你KEEP住做一個快樂小朋友～
我個仔都係 14 個月大, 要人拖著先行, 好少自己行, 係見過佢兩隻手拎住玩具又想行時先見過佢自己行. 其實個個 BB 的發展都唔一樣, 早啲遲啲都是相差幾個月的事, 遲早識㗎啦, 唔洗太擔心. :)
回覆刪除唉，波哥係人拖著都唔多行.....不過呢兩日就開始唔扶野都企到下～
刪除波哥只要係任何有關郁動嘅都會落後幾個月咁:-S
一睇就知佢係懶，俾佢激死.....
一有比較好自然會擔心，不過每個BB發展有快慢（肚B樣樣都慢，就18M都仲係BB話），亦都迫唔到，唯有順其自然啦。波哥已經好叻叻呢！
回覆刪除肚B之前都唔多用學習杯飲水，但見大人拎杯飲又好有興趣，畀飲筒佢飲可以飲好多添，唔知依招波哥work唔work呢？
係嫁，一有比較好自然會擔心
刪除有時身邊咁多BB，又好難唔比較
唯有安慰自己，波哥食得瞓得已經叫好叻，HAHAHA！！
唔WORK呀，波哥見我地飲野都唔係話好大興趣JAR
其實佢啜到飲筒，但就會掛住玩同BU返出黎
呢個小朋友其實一D都唔乖X(
波哥一定會繼續做開心BB 啦~~~~
回覆刪除係呀，佢每日都無令我失望，不停笑笑笑！！
刪除波mama唔洗擔心, 波哥只係肥豬得滯, 所以唔想行, 等人抱o者~~~不為也, 非不能也~ 俾d 信心你同波哥啦~!!!
回覆刪除一個快樂小bb~~~真係見到都開心~~~
SHARON MAMA～ 你真係好了解波哥
刪除佢係o爹精，最鍾意人抱抱......
btw，佢真係全世界最懶嘅BB，郁幾下就攰，要瞓！！[-(
BALL GOR 健康開心, BALL MAMA 就已經好稱職啦~
回覆刪除我而家先知道，要稱職其實都好難下！！:P
刪除如果用飲管杯餵果汁俾佢飲, 會唔會快D學識用飲管?
回覆刪除我已經有用佢最愛嘅竹庶水，但都唔成功呀！！~X(
刪除波哥14個月都仲好BB樣, 真係好CUTE CUTE啊~~~
回覆刪除K EE好掛住你, 唔該波媽媽一得閒就UPDATE多啲相啊...KAKAKAKA...些些~~~~XD
((不過我知你真係好忙~~~~))
唔係啦，大爺媽～
刪除波哥最近個樣大左好多:((
我估同頭髮多左有莫大關係，HAHAHAHA！
我有聽話，UPDATE左D相嫁，係咪好乖呢！
BALL哥應該係太重身所以懶行啫，好快就會識行，你又要追住佢架喇！
回覆刪除其實健康就最重要！！波哥一定會繼續做開心BB
GEB MAMI～
刪除我見其他重嘅小朋友都唔係咁
我覺得係呢個小朋友太過懶惰啦
不過我寧願相信佢係懶:P
我鍾意波哥笑點低呢下呀！愛笑的baby可以蓋過佢做左的傻事奸事…
回覆刪除佢堅係笑點低，少少野就會不停笑
刪除我同PAPA尋晚仲話佢係怕老婆嘅BB:))
快㗎啦﹗快㗎啦﹗好快你就要出街時四圍捉波哥看馬騮㗎啦﹗到時你肯定仲忙呀﹗
回覆刪除我發現D BB要畀D難嘢佢試過，佢D基本嘢先會有進步，燒腩仔都係起初用飲管杯麻麻地，後來買咗avent杯佢飲唔到，咁佢飲返飲管杯時就進步咗好多啦﹗
波哥係愛笑嘅BB，人見人愛呢﹗
出街時四圍捉波哥看馬騮
刪除睇怕都有排啦:)) 呢個小朋友懶到出汁嫁
其實波哥用到飲管杯嫁，不過就會BU返出黎玩
我估要再練習下可能好D
BALL MAMA都想佢笑多D，佢每次笑我都會好開心～～:))
真係好可愛，好想錫錫佢，波哥加油，keep住做happy baby
回覆刪除THX AR!! 希望呢個HAPPY BABY肯加多兩下力郁多少少啦！！
刪除「上次去健康院時姑娘話佢拎野算叻
回覆刪除梗係啦，叫佢拎餅仲唔仆到去咩......」
波媽媽好搞笑呀你!!!
不過波哥食到1-1.5碗飯真係好叻仔呀!!!!
佢真係十級為食嫁，你應該見識過，HAHA
刪除食佢真係唔洗人叫，會自動波
都好，我起碼煩少樣～:D