MR + MRS + BABY: 3月 2014

2014年3月27日星期四

貪吃鬼的小進步 18M＋

一向波哥0係食呢方面都表現出色
基本上無出現過無胃口厭食等問題
就連最近一次過出成6-8隻牙都無有怕
照樣大啖大啖食，大口大口吞
上篇提過
叉和匙的應用越黎越好
為左等佢易D “筆” 起野食
BALL MAMA會揀D大粒少少粉麵俾佢
飯仔對而家嘅佢太散，有D難掌握
食係食到，不過慢同唔多

今日BALL MAMA整左貝殼粉俾波哥
加左薯蓉，青豆蓉，南瓜粒同肉碎去煮
杰身少少，果然易掌握一D

差唔多可以自己食曬咁滯
但仍然食到呢度跌一粒，個度又一粒
俾BALL MAMA扣左少少分，90分啦！！
果然大大下，進度會突然快左～
趁波哥瞓左，今晚特意記低呢個小進步^^

2014年3月24日星期一

LITTLEBALL成長日誌 ﹣ 18個月 (我歲半大啦！！）

20.3.2014

歲半的LITTLEBALL對BALL MAMA黎講係一個值得紀念的里程碑
所以BALL MAMA都有特別同波哥慶祝
其實當日好忙
朝早要上PG～
BALL MAMA就趁波哥上堂時準備左豐盛午餐俾波哥
★★★火車便當★★★

個餐盤係上年去日本旅行時買
一直都無用過～～歲半大日子就拎出黎同波哥慶祝
樣樣食物少少，少少，其實都幾花時間
準備好曬就去接波哥放學

HAHA～～
♂男仔衫相對比♀女仔少款但BALL MAMA都好努力幫佢扮靚靚
務求令佢KEEP住個可愛樣TUM自己

返到屋企就開餐啦!!!
果然，為食係佢天性
平時PG完會好眼瞓，食一半就瞓著咁
今日～～食得好滋味好肉緊下

BALL MAMA心都甜埋❤❤❤
應該偶然得閒會整俾佢食下！！
食飽飽我地仲要趕下場
今日約左去健康院
今次出奇地PASS，4歲先再返去

身高體重記錄

18m - 11.5kg / 82cm
今個月重左唔少～可能係食得太多啦，HAHA～

今次去健康院好快手
等左一陣就可以入去見姑娘
今次個姑娘好好人
波哥0岩0岩瞓醒
主要同BALL MAMA傾下波哥情況
亦解釋左佢地個指標俾BALL MAMA知

說話方面
今個月波哥有明顯進步（其實BALL MAMA要求真係好低......)
識講多左，亦主動講多左
識講：
爸爸, 媽媽, 抱抱（呢個一日講幾十次......), 俾, MUM MUM, 波波, 婆婆, 姨姨, BYE BYE
不過波哥太有性格，未必成日叫佢就講, 抱抱除外
但姑娘覺得OK，男仔係慢少少，所以呢PART PASS！！
因為識得簡單表達需要，例如叫人抱都俾野佢
扭計相對地比上個月少左
不過當佢表達唔到
缺乏耐性嘅佢脾氣亦相當之大......確實令人苦惱
希望大多少少會有改善

認知方面
姑娘問到眼，耳，口，鼻等等識幾多個
其實波哥最叻係鼻鼻，口係間中先表達到
不過姑娘再問波哥識唔識手腳
波哥知邊隻係手仔～
即係認到鼻同手，有2個
但我再講，波哥最叻認自己大肚腩，一講就拍
所以加埋大肚腩有3個，3個已經PASS講到呢度，姑娘好有耐性講解
每個小朋友發展快慢唔同
今次評估主要睇佢呢方面能力，有能力做到無大問題，只會係快慢分別
好開心遇到一個好姑娘，令我放心唔少

指令方面
經常性四圍同人HI-BYE
有時開心起上黎會停唔到，迫人陪佢不停BYE BYE

識得幫手拎野俾PAPA MAMA
其實係我地專登叫佢拎黎拎去
佢又好似好開心咁～～

除左廚房
波哥最愛尾隨我入洗手間
但而家我地會叫佢企門口等
多數都成功
不過佢只係企到一陣
要我地再提佢～～算乖嫁啦！！

進食方面
BALL MAMA出街時多左俾街外野佢食下
開始放手啦！！
叉和匙的應用越黎越好
雖然未完全自己食到一餐但用匙可以食到半餐
用叉可以食到成碗水果
黎緊下個月會試下用杯代替飲管杯
因為見波哥會鍾意用我地個杯飲水
又即管試試！！

近呢兩個月
牙齒由8隻一下子跳到16隻急增一倍
脾氣亦變得可怕......
經常性扭到BALL MAMA頭都大埋

鍾意影相BALL MAMA本身想趁波哥歲半影輯相
可惜波哥扭計扭眼瞓得太嚴重
最後影得唔多
實在太傷BALL MAMA心啦！！
歲半嘅波哥化身PANDA HORACE

熊貓造型將會持續！！

2014年3月14日星期五

我要上學去～～JOYFUL WORLD INTERNATIONAL

BALL MAMA 0係BLOG度好少提到有關波哥學習
雖然初初唔打算俾佢讀PN直接報K，因為諗住自己湊都可以
但1516下又擔心佢唔讀PN將來報K會爭D
BALL MAMA自問唔係催谷型，主要想波哥開心學習
加上讀PN波哥又可以每日有幾小時返學校玩下
BALL MAMA又可以趁機抖一抖
（雖然我極度懷疑我會比而家更忙！！）
但最後都有幫佢報到PN，主力沙田馬𩣑山
身為細B波哥一直以黎都無咩消息, 可能係BALL MAMA報得太少
INTERVIEW少之又少
JAN: IN過 GOOD TIME INTERNATIONAL ﹣on waiting list
FEB: GREENFIELD - rejected當第一次被reject時，心情原來好難受......
HAHA，傷心過後唯有再睇下有無其實機會
無心插柳下報左 JOYFUL WORLD INTERNATIONAL SHATIN
http://www.joyfulenglish.edu.hk/en/index.html

可能佢會開新分校關係
竟然仍然安排到INTERVIEW （JOYFUL之前其實已經完成INTERVIEW階段）
上星期三BALL MAMA就單獨帶住波哥前往
Interview Time: 4:45PM最近愛上扭計大叫同屬於午睡時段
波哥未到已經0係商場喊緊兼唔肯自己行
BALL MAMA已經心知不妙
果然，上到去佢地俾左張問卷同筆我填寫
但筆對於波哥黎講，係一樣非常非常吸引玩具
不停想搶我支問，仲扭計唔肯坐定定
我唯有俾本書仔佢冷靜下先
陰公，好辛苦先可以填好
呢個時候BALL MAMA開始埋怨BALL PAPA無陪我地去
（不過佢地INTERVIEW安排得好突然，所以無叫到BALL PAPA請假）
等候期間，波哥情緒尚算穩定
有位路過普通話老師仲讚波哥可愛
波哥仲即時放電～～～
BALL MAMA有一刻希望係呢位老師IN我地
實情當然唔係啦！！
最後由位NET TEACHER同我地INTERVIEW
今次我地唔係大型INTERVIEW，所以無CIRCLE TIME做warm up

PART ONE - 睇圖書
可能平時少同波哥講英文
波哥無咩反應
不過老師問佢想睇邊本圖書佢又識指（二選一）
係一本數字圖書，但好明顯波哥對內容興趣不大，對數字就更加無反應
但又好鍾意揭書，不這好快就失去耐性
出現大叫情況

PART TWO - 俾圖考五官其實教左波哥好耐
佢都只係識指NOSE
不過當日佢連呢個都唔指，仲想逃跑
老師出動貼紙引佢，情況好D
最後老師見波哥開始失控
唯有用自己五官同波哥溝通
又OK WOR，波哥肯指下，波媽又幫下手
仲可以同老師HIGH FIVE （之前佢唔SO老師......）
勉強過關後
老師想再睇另一本圖書
不過波哥已經失控大叫
老師幫我搵左個藉口，話佢眼瞓就完左INTERVIEW

前後大約15MINS就失得
BALL MAMA出到門口好傷心嫁
唔求波哥做得好好，因為波哥識幾多MAMA最清楚
但估唔到波哥會失控......
不過唔開心左一陣，望住波哥個笑容
BALL MAMA又溶化左啦！！

打定輸數加上JOYFUL話無咁快就消息
BALL MAMA就無理到
點知尋日BALL PAPA放工開信箱帶左個好消息俾我地
WAHAHAHA波哥有書讀啦！！！

其實最近因為波哥太扭，同之前諗住波哥應該無PN讀
BALL MAMA報左屋企附近JOYFUL ENGLISH CENTRE PG
趁早俾波哥自己上堂
我怕佢遲下痴慣左我唔肯自己上堂
上左3堂，波哥每一次去到門口都好開心
望都唔望我想立即衝入班房
每次都要捉實佢先得！！
除左第一次無喊（好奇怪的小朋友，竟然係第一次無喊）
之後每次中途都會喊少少
對BALL MAMA黎講已經好滿意
望住呢兩張相，BALL MAMA已經有點期間波哥返學LOOK～～