又到每月20號～
上個月因為旅途中無寫到BLOG
唯有今個月補返
確實少左記載波哥嘅點滴，黎緊要努力寫返！！
話咁快16個月
最近波哥確實大個仔左
好多時佢俾我嘅反應已經唔再BB
雖然身邊人大多數話佢仍然BB樣
可能佢同BALL MAMA一樣唔想長大呢！！
身高體重記錄
16m - 10.9kg / 79cm
(今時今日BALL MAMA每次把波哥都好快手軟，完全唔敢想像仲可以抱到幾耐）
16個月可以自己行幾步
之前一直都有提過波哥行得唔係太好
BALL MAMA一直都好擔心
波哥唔係慢，係好鬼慢......
雖然每日都有同佢練習，而家亦可以唔扶住自己行幾步（真係幾步~~)
只不過有時0係街度就唔太願意行咁啦！！
行一陣就扭抱抱
赤腳時係行得特別好，有10步8步
但呢個小朋友好心急
行行下就衝～～～落地，即轉做爬
仲有就係重心經常向前
所以好易行行下就跌
距離健康院俾我地嘅DEADLINE仲有兩個月
（因為之前企得唔好要返健康院，姑娘提過18個月行得唔好就要見醫生）
UM......希望佢乖乖地啦......唔好一日到黑掛住爬爬
講起爬爬就令我諗起最近追猫記
可憐嘅碧碧遭受波哥毒手:)):)):))
BALL MAMA其實都有諗過波哥可能大肌肉發展麻麻
主要因為太懶
黎緊想帶佢去LITTLE GYM試試
睇下有無改善～～
飲食進度
一如以往的好～
0係呢邊面問題不大
係比較為食囉！！
每日兩奶兩飯一小食～
仲經常性想食埋我0個份
每次我開餐時就企起我側邊不停叫
直至我肯分少少佢食為止......
努力嘗試過俾佢自己食
大少爺又要懶，唔願拎匙羹
唯有再慢慢試
基本上食嘅野無大改變，咩都俾咁滯
（除左薯片汽水，BALL MAMA有朋友竟然想餵佢食薯片汽水......):-O:-O:-O
唯一改變係肉粒比之前切得大粒左
而波哥亦願意去咀嚼
16個月大仍然係食得瞓得
說話及指令
對波可黎講，呢PART係剛起步
偶然心情好會叫下姨姨、BYE BYE、謝謝
平時闊佬懶理，只係不停媽媽媽媽......
雖然好霖，但麻煩波少講下其他野TUM 下BALL MAMA我:">
至於指令
大少爺太有性格，唔靈時間比較多
最近最愛做 OH NO 及恭喜動力
對於佢自己覺得有趣嘅
教幾次就識
無興趣嘅，SORRY，望都唔望我地
對於將來日日要叫佢做功課嘅BALL MAMA黎講
真係唔好話唔擔心呀！！
睇怕波哥係0個D叫20次都唔會做嘅小朋友
變嗲精
自從澳洲之旅日對夜對公公婆婆後
波哥嗲精及樹熊上身X_X
仲要好識揀人0個D
明知BALL MAMA唔受呢套
就轉向其他人埋手
其他人包括： BALL PAPA、波婆婆、PLAYGROUP MISS、朋友嘅老公等等
簡直係有殺錯無放過......
BALL MAMA開始頭大~X(
但又唔可以成日鬧鬼佢，無奈無奈＋無奈
希望佢過一排會乖返D啦！！
下個月再繼續～～
