當然，雖然又係遲左幾日
因為BALL MAMA忙住追星呀！！
HAHAHAHA～～～
身高體重記錄
17m - 10.95kg / 81cm 體重KEEP住，但高左，即係slim左啦！！
17個月大踏步
呢個月波哥唔同左好多
最最最令BALL MAMA開心係佢已經識行識走～
趕係DEADLINE前（18個月）學識行行行不過一識行之後，佢完全停唔到
每日0係屋企行黎行去，行黎行去
行到BALL MAMA頭都暈
想佢坐定定絕對係難事
因為識行左所以會不停跟住我
我的自己時間比以前少左好多好多.......
另外, 唔知係咪識行時間仲短
開始坐唔定
特別係上playgroup時
呢樣野令我非常之苦惱
經常會大叫，然後要四圍走動
大叫對我黎講絕對困擾
每個月BALL MAMA都有唔同煩惱～
說話及指令
今個月比上個月更差
好多時咩都唔願講
剩係識 “咩呀，咩呀”有時講到我口臭都唔SO我......
睇黎下個月返健康院又唔合格
（呢個小朋友睇黎堅持要唔合格到底）
至於指令
稍稍有所進步
終於唔再假俾
多數叫佢俾野MAMA都成功
不過就唔鍾意俾PAPA
片中的波哥算係好闊佬
但日日對住BALL MAMA嘅波哥
人地問佢邊個係MAMA，佢係唔識回應
極度有性格嘅佢好多時越叫佢做，就越唔做！！
最愛BYE BYE，拍手同OH NO～
近期鍾意CLEAN UP不過只限佢心情好時，佢先做
佢大少爺唔願意時，我完全無從入手
自問唔算太縱容佢
不過BALL MAMA確實耐性不足......
情緒方面
多左失控情況
唔鍾意時會大叫狂喊（近呢個月先開始係咁～）
BALL MAMA稍為注意呢方面
多左做事後安撫工作
不過呢樣野真係唔易做
特別係佢變得痴身
開始認人扭抱（之前唔認，咩人都得，對比其他小朋友算遲？）
有時得我地兩個
我去洗手間時就企門口喊
而家仍然會任抱
不過就無以前咁乖咁定
TROUBLE TWO提前出現？？因為波哥開始大有情緒，但表達唔到？？
當然佢嘅脾氣亦遺傳左BALL MAMA
確實，近呢個月BALL MAMA為波哥感到唔到壓力
飲食進度
9成時間會0係屋企自己煮佢食
全部都係BALL MAMA主理
依然以不調味為主
但開始出街時間長左
唔多唔少會俾街外野佢食到，當然以清淡為主～
少少總會有～ 當為5月旅行作準備，HAHA！！
不過今個月有所唔同係
BALL MAMA俾多左波哥自己嘗試進食
效果理想
簡單嘅都可以自己用叉和匙進食我多數會整D肉丸仔俾佢自己用叉
由初初對位唔正，而家基本上無問題啦
只係用叉拮野食時仲有待練習
至於用匙食飯仔同通粉就多數食1/3
另外2/3開始悶，想要BALL MAMA餵～～
為慶祝波哥17M～
公公請佢食人間美食
我地之前都試過俾少少佢試
不過佢唔鍾意，唔肯張開口
不過今次佢食得好滋味，一啖又一啖
下個月波哥18M/歲半
對BALL MAMA黎講，又係另一個階段呢～～
