LITTLEBALL成長日誌 ﹣ 22個月 （20.7.2014）

踏入22個月

（20.7.2014）

波家真係唔太順利

波哥病完又病

先係無故發燒

KEEP住幾日燒到39.X

BALL MAMA一度以為佢出疹

點知等了又等

燒左5-6日後退燒咩事都無

之後開始玩絕食咁

每日都食好少野

初初以為剛病好無胃口

點知......

BALLMAMA帶佢出席完國內親友飲宴後

開始又痾又嘔

到今日第6日仍然未好曬

22個月正日當日食藥中渡過

無限量汁汁供應

BALL MAMA呢？？

開頭無事

過左兩日之後同波哥齊齊腸胃炎

（BALL MAMA比較遲鈍，一般過兩日先出事）

呢幾日感覺比死更難受

已經病緊

仲要照顧病緊波哥

可幸係

波哥除左頭兩日外

之後都係精神嘅

希望波家快快趕走病魔

:(

身高體重記錄

22m - 10.35kg / 81cm

今個月KEEP住病

體重急線滑落

BALL MAMA唯有安慰自己

之後補得返啦

波哥已經瘦左好多

近照一張

今個月MAMA特別為佢整左度高尺

以後就用呢個去記錄波哥嘅身高啦

同之前個玩具櫃係同一個

PANDA COLLECTION

點知用左個新度高尺先發現

波哥其實得81CM

同之前用手度真係差好遠呢

呃左大家咁耐

HAHAHA

點先可以努力增高？？

雖然應該用遺傳好大關係

HAHA

進食方面

今個月胃口麻麻

連食野都退步左

唯有下個月追返

不過對美食仍然有要求

不過今個月波哥已經掌握到用水杯飲水

會一啖一啖慢慢飲

唔再係初初咁一飲而盡

（全身濕曬）

今個月總算唔係零進步

另外波媽一直都唔記得記低

波哥早於20M時

已經戒左佢最愛的啜啜啦

初初以為以波哥食奶咀食得咁密會好難戒奶咀

點知比想像中容易得多

因為佢係自己慢慢唔記得左個奶咀

BALL MAMA就乘機無再拎出黎

就咁戒左

可能因為波哥唔係靠奶咀瞓

佢食奶咀只係為安全感

大大下就無特別需要啦

呢度真係要俾個叻佢嫁

說話方面

今個月瞓多過講野
進步唔多
仍然只願意講單音
唔想講會發脾氣
之後好正經同我講 “NO”

MAMA知錯啦
唔會再成日同你講NO
麻煩你改口啦！！

不過呢個小朋友鍾意念口黃
每晚會不停爸爸～
爸爸～爸爸～爸爸～爸爸～
爸爸～爸爸～爸爸～
當爸爸應佢時
佢就會過無野......
玩野
但爸爸覺得好窩心

未識講句子
唯有期待下個月
反正急唔黎
不過我發現波哥有時都幾抗拒學新字

今個月進度緩慢

識講：

爸爸, 媽媽, 抱抱, 俾, MUM MUM, 

爺爺, 公公, 婆婆, 姨姨, 哥哥, 姐姐, 伯伯, 父(舅父）

美味(好味), 鼻, 包包, 奶奶, 飽飽, 靚靚, 謝謝,

筆筆, 車車, 畫畫, 波波, 虎, 魚, 烏烏 (烏龜)

BYE BYE, BOY, DADDY, MAMI, YEAH, BABY, 

BEAR BEAR, WOW WOW, YES, NO, A, B, C

跌左, 知道, 好, 無 (連動作), 係, 愛, 唔呀

社交方面

原以為波哥係唔怕陌生人
但今次國內親友飲宴發現
佢其實唔係
佢對住唔熟悉面孔不至於喊同反抗
但就會碌大隻眼唔出聲
問佢咩都無反應

但一見到熟悉面孔
佢就會完全唔客氣
基本上可以立刻唔要我呢個MAMA
熟悉面孔包括： 舅父，姨姨，婆婆，表哥表姐

其實波哥表姨媽住同屋苑
平時都會叫表姨媽幫手睇波哥
最近經常過去
發現
波哥認得路認得咩單位
因為佢好期待去同表哥表姐玩
有時落開街都會叫住哥哥姐姐
跟住自己搵路去
笑死BALL MAMA

對於見人揮手打招呼
講謝謝BYEBYE
波哥好樂意做
今個月嘗試教佢見人講早晨
未病前心情好會講個 “早”
最近唔願講
下個月再努力


其他發展
努力做小幫手
今次BALLMAMA同波哥一齊吸塵
佢幫手推個吸塵跟住我
小幫手又開心又努力
MAMA不停讚佢叻叻
睇黎以後可以齊齊做
唔洗趁佢瞓左先吸塵
不過掛住吸塵嘅BALL MAMA無手影相
下次有機會再分享

愛發脾氣
唔個關唔關病事
今個月脾氣又大左
一唔如意就即刻脾氣到
但就變得明事理左
好多時我地慢慢耐用解釋佢聽
佢係會接受再回應好

例如
早兩晚飯後打算帶佢去SUPERMARKET行下
點知一出門口發現
佢開大......
點都要返屋企沖左涼先
MAMA怕太夜買唔到野
唯有行先
當波哥望到呢個情況
當然喊爆大叫媽媽媽媽媽
有無瞓地我就唔知
但死都唔肯去沖身
BALL PAPA就同佢講數
話沖完帶佢落去
佢慢慢就收聲答好
原來佢地已經到左呢個講數年齡
睇黎駁咀日子不遠矣......




自理方面
識洗手捽手再抺手
玩具收拾比之前做得更好
刷牙方面，勉強叫做識，放入口刷下點下水咁
下個月再加把勁！！