誇張的波哥
一踏入秋天不論何時何地......都可以隨時瞓著I-)
唔係講笑，誇張程度100
連我見慣見熟都覺得AMAZING！！！
連續幾日，呢個小朋友都有理無理瞓左先
（嗚嗚.......已經唔再係BB啦......:(( )
第一次
自己玩玩下玩具
Zzz.....Zzzz......睡魔來襲
趴左0係電視櫃度瞓著左
呢張相不期然令大家聯想到
波哥第佢返學時經常出現嘅畫面......趴0係檯度瞓
（阿囝阿囝，咁樣會俾老師投訴嫁！！:-O）
第二次
之後呢日，應該係落完公園
返屋企食左蕉蕉
HAHA，尋日拎唔到，今日要食返～～
自己就0係地下爬黎爬去玩玩具
BALL MAMA只係入左廚房一陣
波哥又俾周公公急CALL去玩
出到黎......已經見佢熟睡中......X_X
波生呀波生，你有無攰得咁誇張呀
難為MAMA仲未有得瞓
第三次
BALL MAMA已經接受左波哥準備冬眠的事實
都估到佢今日一定再瞓
但人仔細細的波哥果然識嘆
尋日就咁瞓有D涼涼地
今日都係唔好啦！！
今日醒左
拎埋個cushion去檯底瞓
BALL MAMA從來未瞓過檯底
真係話唔到俾大家聽係咪真係咁舒服咁好瞓
但睇返阿波生的瞓姿
應該都OK嫁！！:-bd
雖然話瞓得係好事
不過聽人講，可能係血氣行得唔好WOR
雖然話瞓得係好事
不過聽人講，可能係血氣行得唔好WOR
但波哥一出世就係咁......血氣唔好......
對一個1歲小朋友黎講可以點改善呢
我又唔覺得佢瞓得好多，只係容易入睡0者？？？
波哥休息時間
夜晚10：30PM 到 朝早8：00AM
朝早可能瞓個零鐘先食LUNCH
旁晚又會再瞓1-2小時
苦惱！！
吾好咩訓到咁多？咁你都多D時間休息呀！
回覆刪除佢一次咁樣訓訓到幾耐？？
我有得休息梗係好啦，不過都想佢郁多D，唔好一日到黑瞓
刪除佢一時時嫁，早兩日涼D，佢可以瞓到朝早成11點 (朝早飲完奶即瞓）
之後出街坐車，來回每轉都成個幾鐘......
好幸福呀, bb 肯訓, 媽媽會得閒好多, 仲要你個仔係自己自然入睡, 羨慕死我
回覆刪除我個衰仔一定要暗訓, 自出娘胎都未試過自己訓, 無論我點唔理佢, 由佢喊, 唸住佢喊到攰會訓, 佢竟然可以喊2個鐘都唔訓囉
波哥面色咁紅潤, 應該唔會血氣唔好丫, 最重要係佢長肉嘛 ＊LIKE＊
其實我都鍾意佢瞓多D，因為我多D自己時間用
刪除但係好矛盾地，怕佢一日瞓到黑，太懶唔願郁
事實上佢真係好懶下......到我迫佢郁下行下，就爆喊
超有性格的小朋友:|
唔知係味我多心，我覺得佢面色唔好嫁，不過好長肉就真嘅
果然係長憂九十九～～
佢訓得好CUTE 呀~~~
回覆刪除訓得係血氣唔好咩??呢層真係唔知呀~
會唔會做一D 運動血氣會好D 呀?
其實我都唔知呀，因為佢太誇張啦
刪除所以有朋友話血氣唔好先會一日到黑想瞓
BALL MAMA我就係呢類人
只係無諗過一歲BB會血氣唔好
有呀，最近同佢出多D街
等佢郁多D血氣好D
不過仍然愛睡:P
我除左欣賞波哥既睡姿, 仲好欣賞波哥個brody~~XD好肉厚啊~~好想MET MET MET MET....你啊~~~KAKAKA
回覆刪除下次不如直接咬下
刪除好爽嫁，我成日咬佢:)) :)) :))
可憐嘅波哥～～
波哥真係好攪笑，BB瞓得應該係好事，加上天氣涼涼地，可能真係好瞓，不用苦惱。
回覆刪除係，天氣一定有關係
刪除不過我都盡量陪佢去郁動多D～ 點都係好事！！
EE見到波哥都好眼瞓, 想一齊瞓呀~~ PLSSSSS
回覆刪除一講，我又想瞓啦！！
刪除最近又瞓少左......:(
XDDD 真係十級眼訓
回覆刪除係呀，佢絕對係十級誇張TIM AR！！
刪除我諗波哥係容易入睡姐, 而且佢作息時間都好好呀, 其實羨慕C 我地好多MAMA 嫁~
回覆刪除我最愛BB 食得瞓得~ HEHE!
TAREMAMA，佢有時會瞓好多嫁
刪除呢頭醒，一食飽又瞓，做佢都幾爽下
而家唔理佢，照由佢瞓，不過就再落多D公園，郁動下～
容易入睡同訓得多兩回事嘛~波哥係擁有令所有媽媽都羨慕的能力，應該be proud of it =]
回覆刪除其實波哥兩樣都係
刪除不過我都有得益，如果唔係邊有時間做自己野！！
波哥真係勁正，邊個都阻唔到佢瞓覺嘅決心XD
回覆刪除其實得都好呀，肚B之前都好瞓得架，大大下都淨係瞓一次晏覺咋，我都不知幾想佢瞓多啲咁就有私人時間 XD
真係阻佢唔到，試過想搖醒佢，不過完全無反應[-(
刪除係，佢瞓得多其實真係多好多時間用
但波哥有時真係瞓得太多啦.....試過全日清醒都唔知有無幾個鐘......
好好呀，成日自己入睡，你都多d時間休息啦。不知幾多人羨慕，包括我。
回覆刪除不過佢邊到都訓到，真係好搞笑！:D
係，自然入睡真係好好多，煩少樣
刪除但佢自然嘅密度好高下呢 :)) :)) :))
真係訓得好舒服啵〜
回覆刪除係，瞓覺係佢最大嘅人生樂趣～～
刪除haha, 波哥你真係好攪笑呀!!! 睇其他blogger 媽媽o既blog, 波哥係次次有function都會訓著覺, 其實都真係幾羨慕ga~ 唔洗o愛就自己訓o既bb, 係所有媽媽o既大愛~~~
回覆刪除其實波mama你唔洗擔心wor, 佢由細到大都係咁, 應該係天生, 唔會話關唔關血氣事ma....同埋佢訓覺時間都唔算係好長o者...就好似有d大人咁, 容易入睡, 有d 要look一輪先入睡~所以真係唔洗太擔心呀~
係呀，SHARON EE～
刪除佢真係10次GATHERING 10次都要瞓嫁！！
自然入睡確實令我舒服好多好多
不過佢有時會瞓得好誇張，呢頭起身，0個頭又瞓
仲成日有個黑眼圈@-)@-)@-)
波哥真係好勁~ 我諗佢係易入睡果D人, 係福氣呀~
回覆刪除查媽，你唔係未見識過
刪除瞓少陣都唔得~X( 懶到爆呀
呢D福氣留返俾BALL MAMA我好過啦！！
拎埋個cushion去檯底瞓-->真係笑咗﹗
回覆刪除其實都唔算瞓得好多吖﹗我覺得佢肯瞓就由佢瞓多D啦﹗只係波哥瞓得比較突然D同搞笑D姐﹗無事嘅，唔使擔心喎﹗
係，我都係由佢瞓
刪除不過一清醒時，我就會迫佢郁多D～
佢真係好突然嫁，坐又瞓到，玩玩下又突然瞓著
BALL MAMA我真係見過太多太多:)):)):))
細路仔大大吓就會越瞓越少, 遲d應該會自自然然改善的~
回覆刪除有得瞓, 瞓多d都好呀, 幫助腦部發育~
其實我都知瞓多d好
刪除只係有時佢太誇張令到我有D擔心
最近有佢去密D公園，睇下郁多D會唔會好D～
真係笑C我喇。。。唔好擔心咁多。。。下次見健康院啲姑娘醫生問吓
回覆刪除我覺得可能佢肥，所以先懶，唔想郁
不過到佢好似小檬咁冇時停，你又煩另一樣野，因為你根本唔可以走開。。一走開佢已經擒高擒低
GEN MAMA～
刪除佢真係日日都會突然瞓著
但咁瞓法依然有眼袋......
係呀，好多人話佢太肥，懶係正常WOR，大大下會好D:P
BTW，好耐無見小檬啦！！
好好笑，忍唔住睇多幾次波哥個可愛樣~
回覆刪除佢呢排少左呢個突然入睡狀態啦！！HAHA
刪除瞓多啲好呀! 瞓我都想我個仔有咁好瞓呀!
回覆刪除但最近開始瞓少左
刪除可能習慣左秋冬天氣！！
波哥個瞓樣好可愛呀！可以自然入睡真係令人羡慕!
回覆刪除可以自然入睡真係令我輕鬆好多！！
刪除不過最近佢都瞓少左！