基本上無出現過無胃口厭食等問題
就連最近一次過出成6-8隻牙都無有怕
照樣大啖大啖食，大口大口吞
上篇提過
叉和匙的應用越黎越好
為左等佢易D “筆” 起野食
BALL MAMA會揀D大粒少少粉麵俾佢
飯仔對而家嘅佢太散，有D難掌握
食係食到，不過慢同唔多
今日BALL MAMA整左貝殼粉俾波哥
加左薯蓉，青豆蓉，南瓜粒同肉碎去煮
杰身少少，果然易掌握一D
但仍然食到呢度跌一粒，個度又一粒
俾BALL MAMA扣左少少分，90分啦！！
果然大大下，進度會突然快左～
趁波哥瞓左，今晚特意記低呢個小進步^^
波哥真係中意食，我好中意D小朋友食野，我個女食到我嘔血！
回覆刪除每個小朋友都唔同
刪除波哥係好鍾意食，不過相對地脾氣差，我都有我嘅煩惱.......
波哥食得好好呀，同埋保持一貫作風：淡定有錢淨，食得好溫文呀~
回覆刪除HAHA~ CATHY MAMA~
刪除其實波哥係好心急嫁，一D都唔淡定，食遲少少就開始發癲大叫>.<
中意食野o既小朋友真係好~ keep it up 波哥~~~
回覆刪除波哥0係食方面真係幾好，如果其他方面可以進步下，波媽媽就開心死啦！！
刪除波哥密密食, 好得意呀~
回覆刪除除左密密食，波哥應該無第二樣野叻啦，HAHA！！
刪除波哥好叻仔呀, 唔知點解我睇佢條片睇到好肉緊, 揸晒拳頭咁呀, hahahahahhaha
回覆刪除係嫁，你好了解佢呀！！
刪除佢一講到食就好肉緊，如果拎走佢D野食，佢會同你死過，HAHAHAHA
波媽整野食又豐富又靚，波哥實會好捧場既:)
回覆刪除其實可能係波哥食得開心，所以BALL MAMA我先更加想用心煮～～
刪除哀豬食得好肉緊呢~~波哥要學下TABLE MANNER, 你個食相真係好好笑
回覆刪除佢D食相真係一流......地差呀！！！
刪除成日好似我無得俾佢食咁......
波媽媽，點解你買乜都咁靚，你條波點口水堅，係邊到買？得閒出下波哥哥d用品，睇到我流晒口水！
回覆刪除早餐同下午茶，波哥哥通常食什麼架？諗到頭痛！
我0係日本買嫁！！
刪除早餐同下午茶，我會輪住俾麵包，生果餅乾佢食！！
其實唔會頭痛呀，有咩俾咩，好簡單～～
波哥食得好肉緊呀﹗波媽成日整好嘢佢食，呢個小進步你嘅功勞都唔少呀﹗
回覆刪除為左呢個小進步，成日都要煮唔同野俾佢食
刪除先引到佢食多D～～
波媽煮得咁好味！一定食哂啦！哈哈
回覆刪除食曬最主要原因應該係波哥好為食，HAHA～～
刪除不過見佢食得開心， 我都密密煮得開心:P