快閃台北行

上星期Ballmama一時睇唔開

掉低Ballpapa帶住波哥出走

✈✈✈台北3日咁多多

諗住平時自己湊開

有朋友睇住頭尾3日都應該頂得住

結果當然係攰到嘔攰到爆炸

最最最痛苦係

成功戒片後波哥

喺台北幾日不停過要POOPOO

但又去唔到心情麻麻

（可能認廁所）

最後喺第二晚終於成功去到好多好多

Ballmama先可以耳根清靜一下

波哥亦即時開心返曬

↓ 出發前心情仍然爆靚嘅波哥！

 

↓ 呢一刻，Ballmama仲未知係惡夢開始，HAHA

↓ 雖然唔係第一次搭飛機

但可能大個仔啦

今次終於知道係去旅行

臨起飛滑行時話好驚驚

過左離心力嗰下後就話好好玩

我與同行姐姐都笑左......

最後暈埋

↓  第一次見咁豐盛嘅兒童餐

↓ 食飽飽後仲可以嘆埋最心愛朱古力

↓ 話咁快落機

大個仔可以自己拖住行

↓ 有朋友到先

仲可以接機～～

↓ 3日其實真係幾短下

Ballmama 之前都未試過

但大家一心諗住出走開心下

同朋友行下食下玩下

又唔錯

↓ 為波哥特別安排木柵動物園

一個好適合小朋友去嘅地方

 

↓ 一見熊貓館就衝埋去嘅波哥

其實呢.....我地都係第一次去睇熊貓

因為Ballmama仲未帶過波哥去海洋公園嫁！！

 

 

 

 

 

↓ 認真受教小朋友 

↓ 6月台北嘅天氣真係好熱好熱

我地都要行下抖下

 

 ↓ 不忘呃飲呃食嘅波哥

↓ 波哥大個啦

我地開始俾佢選擇

佢揀左另一最愛

長頸鹿

 ↓ 自己揀嘅睇得特別開心嫁

 ↓ 手舞足蹈

↓  母兼父職辛酸

↓ 睇完長頸鹿轉頭又落雨

☂☂☂

唔係毛毛細雨

係黑雨......想走都走唔切

↓ 遮都頂唔住，要即時買雨衣

波哥當然就早有準備

 

↓ 天氣唔好

我地亦唯有提早離場

今次只可以睇到

樹熊❤熊貓❤山羊❤駱駝❤斑馬❤頸鹿轉

睇唔到波哥另一心水大象

唯有下次再去啦！！

↓ 行程唔多，除左動物園外

我地主要都係食食食買買買

 

↓ 喺台灣唔使排隊嘅咖啡弄

唔錯

但如果要我排長龍我應該唔會食

↓  Ballmama最愛嘅夜市生蠔哥

每次都要去食下先安樂

↓ 又平又抵食

發覺台灣貝殼類海產特別鮮味

今次都食唔少

ENCORE再ENCORE

 

↓ 波媽另一最愛白苦瓜汁

開頭波哥嫌苦

但之後又一啖接一啖

↓ 揀左最後一日

星期一朝早先去上引

↓ 波哥可能知道無份食

個表情呢......

↓ 因為怕人多要等

呢日又大早

立食未開住

我地就買左D食住先

↓ 生蠔真係好好好好食呀！！！ 推介

↓ 邊可能刻薄波哥

佢當然都有PEPPA 果汁一盒

↓ 仲有專人服侍 

簡直五星級享受

後記：

出走完3日之後

波媽認為下次去邊度都真係要捉埋Ballpapa

等自己舒服下

至於波哥

佢確實係一名女人湯丸

時而霖死幾位姐姐

（姐姐前姐姐後，得閒又攬實你錫啖你）

時而激死幾位姐姐

（扭計扭抱不停，可能真係攰又加上成日去唔到POOPOO）

為左要人抱佢真係出盡發寶嫁！！

初初成日話自己肚痛

呢樣我都仲信佢

最後竟然話自己抖唔到氣

激死Ballmama之餘當然又被我話啦

點可以亂講大話

但抖唔到氣呢句我地都R爆頭

唔知佢喺邊度學返黎

但可能3日不停有姐姐陪佢玩陪傾計

波哥返HK後

講野都好似叻左表達好左

不過唔知係咪因為接近3歲

情緒亦變得非常之唔穩定......

另外呢次3日旅程中

Ballmama雖然有同佢著片片

但佢全程都係自己話去VEEVEE

一見到廁所就捉媽媽去

所以一條片都無濕過

返HK後可以放心唔用片片去街

而家仲會話自己唔要片片要著褲仔

最後當然辛苦左同行朋友們

為左同我地去旅行

真係出盡力陪玩陪抱陪傾計之餘

仲要幫我地搬埋行李

當大家都話我收穫不多時

我都覺得唔好意思呢！

應承大家下次會揀個去嘆嘅行程！！