LITTLEBALL成長日誌 ﹣ 32M（20.5.2015）

趁住沒有上學的日子

Ballmama寫返一篇成長日誌先

至於點解無返學呢？

有機會下篇再寫

身高體重一如以往無大分別

上個月講到波哥唔係車迷

反而愛煮飯仔多D

於是Ballmama走左去豬脾家借左個車場返黎

今次唔同啦

波哥見到呢個車場雙眼發光

不停RACING CAR RACING CAR

（Peppa Pig 睇得太多，上腦，HAHAHA）

迷左幾日

波哥熱情就冷卻左

果然無法做百份百車迷
不過就連帶自家車場都得到寵幸......

偶然發現

玩法真係可以好多好多

有日同波哥睇睇下書
媽媽，有馬路哦！！

見到頁馬路就叫波哥拎幾架車黎

又玩到一陣wor~~

波家會不停期收起D玩具

隔一段時間再拎出黎

等波哥會KEEP住有少少新鮮感

今個月寵兒係邊個

咪就係一排無見嘅LEGO

 波哥可以自己玩到一陣

又會要我地同佢一齊玩

原因係我地會整D佢唔識整嘅場境過佢

呢日Ballmama同佢砌左寵物屋

分唔同格

一格食野，一格去POOPOO，一格同玩

波哥學足曬

會不停呢喃

夠鐘食飯啦要去POOPOO啦

有時我都會諗

波哥偏向女仔玩法好大程度係因為我

Ballmama 同佢玩都係女仔野

最少我唔會同佢玩打怪獸......

飲食方面

仍然係時好時壞

不過喺屋企係食我比較好

可能係因為佢咁多引誘

另一方面

就係揀飲擇食

嗰餐有佢鍾意食嘅

e.g. 蛋/ 魚類 / 包 / 白飯 / 生果

會食得好快

亦可以自己完成

但當出現唔係佢鍾意食物

e.g. 西蘭花  / 肉 / 紅米飯

佢真係同我鬥長命 鬥耐性

任我點威迫利誘

結果都係食一半餵一半
我知係我唔夠恨

有諗過餓下佢

但佢當然無咩反應啦
食呢PART都真係好睇佢心情
所以就KEEP住無大增長
但Ballmama同時發現
放假長時間喺屋企
波哥係食得好D嫁～～
同埋佢似Ballpapa

鍾意中式飯餸
真係老土

說話方面

用句子表達對佢已經無難度

仲最鍾意加鹽加醋

調返轉話我地tim

事例一）

我幫Ballpapa執緊野時

波哥就話我：呢個係爸爸嫁，你唔好搞爸爸D野，佢會喊嫁。

&%##&^*

事例二）

波哥玩緊玩具時

可能唔小心整跌左/突然唔知點解睇玩具唔順眼

波哥：玩具唔乖，佢真係好曳，要罸企

可憐嘅玩具就俾波哥的左去門口罸企......

事例三）

有時夜晚，波哥玩得太大聲又或者喺度叫喊

我地都會話佢知隔離婆婆瞓左，會嘈到佢

如是者，波哥都會好合作將音量收細

有一晚，我同ballpapa對波哥小訓話

（其實小事一椿，已經唔記得咩事）

波哥就：SU～～SU～～隔離婆婆瞓左覺豬，你地唔好嘈住佢

我同ballpapa反應只有無奈無奈加無奈

>.<" >.<" >.<"

唔難想像他朝一日

講一駁十嘅日子

今個月波哥有個口頭蟬

“唔緊要”

係之前睇巧虎學

做錯事時同別人講對唔住，人地就會話唔緊要

但波哥只學一半

每當自己做錯事/嘗試但唔成功或者知道自己激親人

第一時間會笑住講

“唔緊要，我地再......"

某程度上又好正面

如果第時佢遇到錯折都可以講一句唔緊要又幾好

所以我地無刻意要糾正佢

當然，如果整親人，就另一回事啦！！

依然熱愛唱歌

Ballmama發現

自己原來好鍾意買一D與音樂有關書本

而波哥又真係好鍾意

呢日就自己喺度唱
TWINKLE TWINKLE LITTLE STAR

唔經唔覺

與波哥伴讀日子已經一年啦

已經變成習慣

波哥嗰日唔睇過唔安樂

如果我地唔得閒時

佢亦會自己拎住睇

因為伴讀波家亦增添左唔少趣事

話說我地有本繪本

會以天氣形容唔同心情

初初睇覺得有少少無里頭

但波哥又出其地鍾意

前排成日行雷落雨

每次一行雷

波哥就會講

“OH，行雷啦，媽媽嬲啦！！”

第一次聽到，真係笑死我地

行雷＝媽媽嬲

HAHAHA

校園生活方面

學校今個月有PAJAMA's DAY

每個小朋友都會著住睡衣返學齊齊學刷牙

又會同其他小朋友分享心愛的就寢物品
可惜今次媽媽無份參與

愛手工的波哥

呢日放學拎住隻獅子出黎

又真係好似喎！！

自理能力方面

戒片行動 正式開始

成續亦都非常好

已經成功戒左POOPOO

（明明平時用POTTY多，呢日又要媽媽俾佢坐包包船）

至於VEEVEE

喺屋企已經識開聲話要去VEEVEE

除左落樓下一陣外

出街我地都有用片片

不過佢都會開聲講

我地仲未準備好呢步

等佢再練習多D先

相信俾多少少時間佢就可以做得好好

戒片後真係慳唔少

波哥你要努力呀

下一步向成功出街戒VEEVEE進發

詳細我會再BLOG紀錄返

32M波哥已經唔太需要飲奶
每日奶量0-1餐/6安
由於屋但仲有幾罐存貨
應該飲埋就直接戒左佢
最近愛上左自己沖奶
真係每餐都自己動手

 我地仲用緊奶樽飲奶
無刻意迫佢用杯飲
一來朝早起身飲唔怕佢蛀牙
好乖咁每日都有刷牙仔

二來波哥用杯飲水係飲得好好
佢鍾意用奶樽係因為個情意結
反正每日都係一餐
就等戒奶時一次過戒埋奶樽

私心嘅Ballmama仍然依戀住BB嘅波哥

今個月呢個小朋友喺收拾玩具呢PART變得好主動

成日話要執好先得
不過最鍾意係成日講 ”媽咪陪我執玩具啦！”

去到人屋企好似有強迫症咁不停幫人執玩具

Ballmama亦好樂意見到呢幕

麻煩你繼續努力啦！！