近幾年書展已經成為波家暑假的節目
今年波哥又大左
Ballmama一於膽粗粗帶住波哥去
同行有波哥大表姐
可以幫手睇住下波哥
為左唔想拎餐死
Ballmama今年仍然有拉個喼仔去
自從上之去完台灣之後
波哥就愛上左拖喼
佢肯乖乖自己行，Ballmama就舒服好多
慳家地，早D入場，盛惠$10
呢個小朋友好入戲
好專注咁拎住張地圖狂睇
完全唔肯放心呢！！
安排左大表姐自己睇書後
Ballmama同波哥就向目標進發
其實去完台灣無幾耐
本身唔算太多書想買
一心想俾波哥體驗下
去到不停指住呢個野猫軍團POSTER
話係小雞（波哥好愛小雞系列）
原先唔打算再買嘅Ballmama就敗多本小雞過佢今年聖誕睇啦
帶得波哥黎
當然俾佢自己揀
以為波哥會鍾意呢本愛哭公主
（同佢近期新寵生氣王子同系列）
不過呢本波哥睇完話OUT
應該係故事唔吸引
最近愛上數數字同ABC嘅波哥
點名要呢本 "數字在哪裡"
睇睇下我地撞到燒腩媽
波哥仲可以聽燒腩媽講故事呀！！
好投入～～
波哥完全俾本故事書迷住左
短短時間
佢地兩個就FD左
初初波哥一見到燒腩媽就逃走嫁
最後當然係送多個飛吻俾燒腩媽先走啦！！
下次我地再一齊去玩呀！
臨走前呃到野飲
HAHA
不過波哥麻麻地呢個
帶住波哥其實無想像中咁好行啦
時間唔係好見洗
不過就可以因應波哥喜好入貨，HAHA
大表姐行完買完後
可以幫手睇住波哥
Ballmama就放心繼續SHOPPING LA
最愛仲買左個PEPPA CLOCK俾波哥
～～滿載而歸～～
收獲比想法中豐富
無咩買英文書
因為淘已經可以有好多選擇
波哥咁熱愛畫畫畫塗塗塗
當然唔少得入D筆啦
上年入左WASHABLE PAINT
反應好好
今年就試埋其他
應該可以玩返一般日子
今日無論波哥定媽媽都一樣滿足～
我好想好想好想買中文書呀！！！！！！！！
回覆刪除你下次返黎都入下貨啦！！
刪除特別係台灣繪本～～～好吸引～
收獲真係好豐富，我同到波哥玩都好開心呀﹗
回覆刪除波哥先係最開心～～HAHA
刪除有得玩、有故事聽、仲有野食！！！
波媽下次要約燒腩仔去玩～～
我本身都想買文具, 不過入到去唔記得左, 請問crayala係邊度買嫁?
回覆刪除我上年買完，今年第一時間去望下～～
刪除crayala喺3/F 兒童館賣文具個邊嘅角落呀！！
唔該晒! 我行左兩個鐘咋, 所以好多地方都冇行~
刪除佢個位唔刻意搵好難見到嫁
刪除因為我上年有買，所以今年特別去搵佢～～
波媽一拖二勁~
回覆刪除口袋洋裝係咪波哥自己揀呀? 呢本木木都好愛，次次睇完都搵下自己件衫有無口袋~
大個位唔洗我理～～仲可以幫手tim～
刪除呢種一拖二勁好OK！！
口袋洋裝係波哥自己揀嫁，因為佢好鍾意大頭妹系列嫁！！
不過我暫時收起左，最近太多新書～～
我都有帶馬拉糕去,不過一路行其實唔太知要買咩書,打算出年再帶佢去自己揀,所以一路行一路諗住「下年應該會破產XD」,不過Crayola真係好抵買
回覆刪除佢地自己揀係最好，包鍾意！！
刪除買書買到破產都係好事，起碼會睇，HAHA～
Crayola 勝在好多都係washable~~ 可以任佢地玩！！
我入左好多唔同嘅筆，波哥已經玩緊^^
好勁呀, 我都係自己放工去, 唔敢同小寶一齊, 同佢一齊, 應該完全買唔到野, HAHA~
回覆刪除大表姐真係好, 幫手照顧呢個小表弟!
自己去都好嫁，可以慢慢睇慢慢揀！！
刪除我好彩有大表姐幫下手
佢湊波哥簡直無得彈，波哥又好跟佢～
我的收穫不多，只買了少少，期待明年跟他一起去，顏料真的好抵。
回覆刪除一齊揀有一齊揀嘅開心～
刪除不過就好難可以慢慢睇慢慢揀！
顏料好抵之餘，washable真係用得好放心！
可以俾佢地自己盡情畫！
小雞系列我都好鍾意, 真係好可愛呢~~
回覆刪除係呀，每一本波哥都好鍾意
刪除百看不厭～～～