4日假期密密玩過後密密玩
今日難得BALLPAPA再放多日
我地就黎多個家庭樂
之前已經聽過呢個
高速線壽司
不過由於唔就腳
所以一直都無打算去
今日經開而且係平日
就一於同波哥去試下
（其實係BALLPAPA一早答應左波哥去食迴轉壽司）
平日關係
等左大約半個鐘就有位
之前無同波哥提過係有火車送壽司嫁
當波哥等位同時
眼見一架架火車送壽司
已經非常興奮
嘩！嘩！嘩！！！
輪到我地啦！！
每個人頭頂位都有個MON可以落單
基本上落單後好快就到
BALLMAMA覺得真係高速過平時普通版
喺門口睇完一輪波哥已經自動波埋位
拎完按一下回收制
架火車就會收走
對小朋友黎講真係好好玩～～
睇片會傳神D～～
列車分左白、黃兩款
玩左一輪
肚餓波哥終於都開餐啦！！！
〜〜美味しい〜〜
完全係作戰狀態嘅波哥
好驚錯過每一班列車咁
HAHAHA
睇到BALLPAPA ﹠ BALLMAMA都覺得好好玩！！
一路食
眼睛都無離開過！！
黎未呢？？
幾時黎呢？？
今次最大體驗絕對係食多左
因為對波哥黎講太太太好玩啦！！
不停叫我地叫多D
仲好唔捨得離開tim
我地雖然已經飽
亦一圓佢心願
叫多一件咁大把
HAHAHA！！
雖然唔捨得
但波哥都乖乖地跟我地走
PAPA亦答應佢每月食一次迴轉壽司
原因係......
最近我地借左呢本故事書
故事講述
每個月爸爸出糧都會帶佢地去食迴轉壽司
波哥當然上左腦
今日不停問我地點解去食壽司
PAPA就不停答因為爸爸出糧有得食壽司
我喺側邊睇到覺得好好笑嫁！！
而波哥最後亦有好似故事中主角咁講左句
“多謝爸爸今日請我食大餐！”
PAPA即刻甜曬
亦證明波哥好鍾意個故事
記得曬入面細節
而波家以後每個月亦多左個食迴轉壽司活動啦！！
波家都要創出自家暗號先得
食飽飽嘅一家
再繼續我地今日另一活動
睇SNOOPY大電影先！！
好似好好玩咁, 我想問呢間元氣係邊度架?
回覆刪除APM呀！！！
刪除真係好好玩～～波哥完全唔捨得停！！
我哋聖誕節晚喺荃灣廣場要等成兩個鐘先有得食呀﹗不過嗰邊有三架車㗎﹗
回覆刪除呢本書我哋好耐之前都睇過，好欣賞波爸嘅回應，波哥都好乖識感恩﹗
我地見平日唔多人先敢去～～～
刪除Apm其實都係三架車
不過我見其中兩架都係白色，以為同款jar
佢地而家睇故事書體會多左～～
波哥同燒腩仔都鍾意個作者!
我都係去過荃灣廣場果個，三款車~! 本書我地係圖書館又係睇過，不過木木仲未明咩係迴轉夀司呢~
回覆刪除Apm都係3架車，不過兩架白色，我估係同款，haha!!
刪除咁木木媽要帶木木都食多D迴轉壽司先得啦！
真係要睇故事書了解左先明白食迴轉壽司係咩一回事呀！波哥好似身處書中故事既感覺 一定入哂腦好喜歡呢個故事喇
回覆刪除又唔一定
刪除只係咁啱佢睇緊呢本故事書，所以多左分期待同體會！
波哥個樣真係一臉期待, 好可愛呀~
回覆刪除我都要快啲帶晉去試下先~
信我！！！
刪除晉一定十萬個鍾意 hahaha~~
係咪個個男仔都咁鍾意火車呢，ET仔如果有機會返香港都要試試，實開心死！
回覆刪除其實波哥係調返轉
刪除食完火車壽司返黎就摷返自己架陳年火車出黎玩
Hahaha!!!!!
有機會你一定要試下，不過平日會好少少～～
波哥真係好期待呀，哈哈…
回覆刪除little K都勁鐘意食genki sushi架，可以食到5件加一碗烏冬，我覺得好勁架啦，如果去埋apm呢間可能食到8件，哇哈哈…
我地都借左呢本書呀! 故事內容好搞笑~
回覆刪除波哥專心既樣子好可愛~