23.3.2014 ｜ Sunny Day ｜ @Strawberry Farm
早兩個星期前，波哥同朋友仔豬脾同遊士多啤梨園～
其實波哥已經係第二次去摘士多啤梨
第一次係去澳洲時
唉，BALL MAMA越黎越懶
都唔知寫唔寫得返之前第一次摘士多啤梨體驗囉......
原先無PLAN定嫁！！
其實一早約左去野餐
不過臨時改期
咁0岩豬脾媽半夜邀請我同波哥同遊
我當然就迫BALL PAPA答應我去啦！！
其實之前一日同波哥去左影相
不過有小朋友唔合作唔乖乖
無咩收鑊之餘仲搞到我地好鬼攰TIM
所以呢日就安排左下午先出發啦！！
目的地＞＞＞錦田鄉村俱樂部
呢日天氣好好
落田之前幫波哥影張造型照先～
BALL MAMA最愛將波哥打扮得可愛
但可愛背後～～ 波哥其實係一個愛扭計小朋友
唔知因為熱定其他原因
死唔落地，仲學人螺地大喊
應該都嚇親豬脾爸同豬脾媽啦！！
令BALL MAMA好激氣
之前明明好鍾意去街街
最近連去公園都扭計扭抱
有無人可以話我個究竟發生左咩事？？？
經BALL PAPA安撫左一輪, 叫做好少少啦！！
肯做下樣摘下～
係～～ 我家安撫工作一向交俾BALL PAPA
相比下，BALL MAMA係缺乏耐性的.....
所以我有理由相信，第時佢地兩父子感情應該好好，仲會聯手蝦我囉！！
摘完一輪，波哥話要抖抖WOR
（其實佢根本無郁過囉......要人抱......)
一行去就即刻搵豬脾爸拎野食
UM......只有講到食就最醒神最聽話......
扭完計又食飽飽
有人心情靚曬
終於可以乖乖同豬脾合照啦！！
齊齊望實自己D 士多啤梨
波哥：豬脾～ 你個籃多D定我多D？？？
豬脾：好似係我多D呀！！
波哥：咁你分D俾我好喎，我唔夠食～
豬脾：r.........
相信佢地大少少，應該會有真實的對白
唔需要BALL MAMA再用設計對白呢！！
BALL MAMA好enjoy帶波哥去玩
主要原因係想多D望見佢地嘅開心樣
回憶亦都係咁樣慢慢累積返黎～
自從波哥出世後
BALL MAMA變左揸機人
好難得先有機會出鏡
等爸爸們俾＄途中
兩個小朋友又各自走黎走去
應該仲係細，未係好識得一齊玩
俾多少少時間佢地啦！！
心情靚靚嘅波哥係BALL MAMA最愛
大個仔，表情越黎越豐富，古靈精怪
波哥只要熟悉左個環境
就會四圍走去同人玩
一D都唔怕醜WOR！！
仲走去豬脾媽到痴野食！！
食完多左D白色鬍鬚
謝謝豬脾媽的邀請，我地先難得有張全家幅！！
後記～
摘返黎嘅士多啤梨雖然好快爛
但又真係好甜～
所以BALL MAMA決定下年會早少少再去
因為我地3月尾去，其實已經係水尾啦！！
大粒嘅一早俾人摘曬～
