難得凌晨4點BALL MAMA仍然未瞓
其實瞓左，只係又醒左
又係因為波哥囉！
歲半要再打一支五合一
不過之前波哥有小小鼻水
所以改到星期六先再打
之前已經聽過呢支針勁
不過BALL MAMA見之前波哥反應都唔大
諗住呢次都OK
點知真係非一般的五合一
打完隔左幾個鐘波哥已經開始低燒
尋晚亦一度OVER 39度
（波哥從未試過去到呢個數字，一向都只係低燒）
對MAMA黎講又係無覺好瞓
不過非常慶幸係星期六打針
因為星期日全日有BALL PAPA幫手
所以難得的星期日
可以唔使上PG之餘
仲全日0係屋企休息，唔知值唔值得開心？？
不過今次波哥越燒越勁，無咩點退到
BALL MAMA先開始擔心
但星期日無咩診所會開
唯有向MAMA們求救
詳情唔講
不過好彩有位MAMA最近都幫小朋友打完針
有支藥水係FOR高燒用而且未開
波哥食左之後，終於都開始退到燒
BALL MAMA先鬆一口氣
雖然而家又燒返，但有上有落總好過一直KEEP住
平時精靈古惑嘅波哥都變左個無力波
話唔心痛就假啦！！
今日BALL MAMA都真係幾唔開心
睇清左少少野
原來有時做人太簡單都唔係好事
可能做得FTM耐，係時間要TUNE一TUNE啦！！
唔好太擔心呀!! 退完燒又會再長大ga la!
回覆刪除btw, 唔知你發生咩事, 但唔好唔開心la! 能夠睇住ball哥成長, 已經係最開心的事了!! 加油!
THX APPLE MAMA～
刪除早兩日退左燒啦，不過瘦左唔少，到而家都未係好好胃口
BTW，你講得好0岩呀，睇住ball哥成長已經係最開心的事 :)
希望ball哥快啲好返。。。
回覆刪除我放咗咁耐假湊住兩個，都明白你嘅感受。。。有時做轉變吓都係好事。。加油
係，日日湊住唔簡單
刪除不過你而家湊住個 “好”字，又確實令人好羨慕哦！！
我會努力啦～
你照顧得波哥好好丫, 佢好快返學你又會鬆D, 加油呀~ 期待5月~
回覆刪除我都好期待5月，剩返半個月JAR
刪除希望我有精力捱到去旅行啦！！
咩事唔開心都好！過左去喇. 最緊要波哥快D好番!
回覆刪除加油!
THX AR！！
刪除係，過左去啦！！又每日埋首照顧波哥！
希望肥波快D好返, 做番個精靈B
回覆刪除唔好唔開心啦~~你身邊仲有其他好朋友撐你~~
THX SHANSHAN!!
刪除精靈B返左黎啦，不過係減肥版
瘦左好多囉.......
原來波哥係因為打針...ball mama人緣好，身邊總有人出手相助!
回覆刪除THX 木木媽～～
刪除係打針
不過同時又有D感冒，唔知係咪因為咁所以燒得特別勁！
波哥快啲好返啊, 波媽媽都唔好唔開心啦!!!望住咁可愛既波哥啦, 乜唔開心既都唔記得晒!!!
回覆刪除好返啦，不過瘦左好多，無以前咁好 “咬口” :P
刪除wakakaka, 我想同波哥去開心下先得！
波哥要叻叻快D退燒等媽媽唔好咁擔心呀﹗呢枝針真係幾勁，燒腩仔之前係健康院打，都係打完即燒唔多退咁，好彩退咗燒之後就回復正常啦﹗
回覆刪除波媽都唔好唔開心啦，FTM嘅簡單世界，唔係人人能夠明白，最緊要係做到自己想做嘅嘢，日日對住咁可愛嘅波哥，乜都抵返晒啦﹗
THX 艾菲～
刪除呢枝針真係幾勁，波哥從未試過高燒，仲要燒好幾日
好彩第四日終於退燒，不過到而家都食好少野
FTM嘅簡單世界，真係只有FTM先感受到，但又確實唔易做呢！
做mama見到自己小朋友病一定係好心痛~ 希望波哥快d好返啦~~
回覆刪除波媽媽, 唔洗唔開心~ 有波哥鍚返你 *@* 我地都會支持你~
THX SHARON~
刪除可能波哥第一次高燒，又燒咁耐所以特別擔心
好彩佢儲定左D脂肪，不過而家無曬，要再儲過:P
波哥平時儲埋咁多power!!一定好快會無事!
回覆刪除波媽媽都唔好唔開心~~~support support!!!!
SA EE～ 佢D肥膏唔見曬啦，肉赤死我.....
刪除