20m - 畫畫畫

  話說平日同波哥兩個0係屋企閒來無事做

都會俾D顏色筆同畫簿俾波哥畫畫畫

不過波哥畫畫下見悶

開始進攻屋企其他地方

包括書檯、地下

呢日仲學人畫門.......

好多人叫到呢幕好大反應

但BALL MAMA出奇地冷靜

因為覺得呢個係小朋友成長的一個階段

BALL MAMA細個都係咁

所以我唔想不停阻止波哥做呢樣個樣

同BALL PAPA有共識

只要唔具危險性或傷害到人暫時都由佢

（每個人的教育方法唔同，唔同意絕對可以唔睇）

只係話佢知

應該畫落紙度

同要做幫手清理返

當然佢幫唔到咩，主力都係BALL PAPA清潔返

不過點都要佢做下

但BALL MAMA開始諗有咩更好方法？？

有人覺得要阻止佢

但我明白越阻止佢只會越想畫

而畫畫係波哥最大興趣

我唔想太阻止佢

俾太多限制佢

當然亦唔可以由佢通屋畫

有朋友建議貼張畫紙0係牆俾波哥畫

呢個絕對係一個好方法

不過一般畫紙絕對滿足唔到波哥

佢一定會畫到四圍係

PAT PAT 最容易痕嘅BALL MAMA

當然又諗埋D古怪野

整一張特大畫紙

任波哥畫

效果出奇地理想

BALL MAMA真係好鍾意呢張相

見到波哥個樣係非常非常之開心

證明BALL MAMA呢個諗法係0岩

唔知波哥大個D會唔會KEEP住鍾意畫畫呢？？

波哥一企埋去，即刻顯得張畫紙特別大

其實張畫紙係膠面

用清潔劑花少少時間同力水可以清潔到

之後波哥可以再畫過

不過自從有左呢張大畫紙

波哥狂畫左一排之後

又愛上返用畫簿

所以話呢

過度制止有反效果

而家我俾少少限制任佢畫

除左唔會通屋畫

亦叫做暫時解決左呢個煩惱！！