I'm a kindergarten student - K1 校車記

波哥都開左學一段時間

由適應期第三日開始就要自己坐褓姆車

（我其實係一路叫校車，

不過第一日後波哥就糾正我

係褓姆車～～）

BALLMAMA初初都好擔心呢個小朋友會唔會喊

扭計唔肯上車

又或者好抗拒坐褓姆車

出盡法實嘅我

又車仔又零食

等佢帶住無比開心心情出發

上車地點好方便

屋苑樓下就係

2分鐘就行到
第一日坐褓姆車要順便交埋車費

交個重任俾波哥

等佢期待一下先！！

而家嘅佢非常樂於幫手

話咁快褓姆車就到

HELLO HELLO

不停同褓姆車打招呼

第一次見褓姆車EE

究竟…

波哥係咩反應呢？？

答案係頭也不回就跟左EE上車

真係估你唔到

最近幾個月明明變得扭擰

原以為要花一番工夫先可以叫到佢上車

點知......

呢個小朋友一句 “MAMA BYE BYE”

足以KO我呢個媽媽

心情有D複雜

不過開心戰勝一切

最少放下心頭大石

總比日日喊住話唔上車好得多

數小時過去後＞＞＞＞

波哥懷住失落心情同褓姆車BYE BYE

放心啦！！

你大把機會，日日有得坐！！

放學見到MAMA，好開心！！

咁叻仔，獎你最愛的冬甩

由第一日坐褓姆車

到今日已經成十日

波媽所擔心嘅新鮮感過期後反應無出發

相反

一日比一日開心

我估佢亦喺車上識到D朋友仔

點解我會知？？？

因為呢個小朋友每日全身都貼滿貼紙咁落車

問佢邊個俾佢

佢就話係車上D哥哥姐姐

每日落車都會同媽媽講

“我今日玩得好開心呀！好鍾意學校！！”

見你適應得咁好

阿媽即刻安樂曬

波哥可以適應得咁快

某程度上同佢之前N班同學仔一齊返學好有關

事關之前佢地喺JOYFUL已經成日一齊玩

而家又可以一齊坐校車返學

有時放學仲有機會一齊去公園

（其實波哥放學日日都要去，皆因佢喺校車瞓飽左）

同學仔哥哥亦好照顧波哥

波哥每日都要跑去搵哥哥嫁！！

 暫時黎睇

波哥已經完全適應全新校園生活

每日都好開心咁出門口都返黎

試過有日臨返學前眼瞓話唔想返學

但一聽到老師名就彈起身要換衫

話好掛住老師

短短時間

波哥亦開心始有少少行為改善

期待你有更多新體會！！