I‘m a kindergarten student - K1 適應期

雖然波哥之前一直都有返開PN

但最後一個月突然成日喊曬話唔返學

（但放學明明好開心嫁！）

之後偶然去上下SUMMER COURSE 都有類似情形

痴媽症發作咁

所以BALLMAMA一直都有擔心波哥出現爆喊情況

擔心下～又到開學嘅日子

上星期有一連四日適應期

頭兩日可以有家長陪同

為左等波哥容易適應

波媽一早就畫好屬於波哥LOGO

成日話佢知大個囝要返新學校

好怕佢同我講要返JOYFUL唔返新校呢～

好彩老師同時教我地開學校WEBSITE佢睇

再不停喪播校歌.......未返學我已經識背啦......

又俾老師張相佢睇

搞到波學非常期待返學呢！

（BALLMAMA如意算盤打嚮啦！！我成功了）

DAY 1

九十幾萬樣野要擔心嘅BALLMAMA

另一樣要擔心嘅就係波哥好抗拒要著新校服

之前影學生相

我用左足足一個鐘先令到爆喊波哥著到

已經眼紅紅

最後只能揀一張勉強過關～～

不過其實學校無咩所謂

所以又再自家製作學生相

搞到返學前我真係無咁多心力再用成個鐘叫佢著

所以公仔LOGO係新校服

我就不停同波哥講新校服同公仔一樣嫁！！

嘩嘩嘩！！

如是者不停洗腦洗腦，再洗腦

只為換取之後幸福嘅日子

最後當然算係小成功！

呢日又俾佢自己拆校服

其實波哥只可以自己著到褲

衫仍然要BALLAMAMA幫手 

著好後成日同我講心口有花花

勁興奮！！

嗱～媽媽就係想要你呢個樣

多得JOYFUL去年嘅訓練，著鞋都OK啦！！

 

 

正當大家以為事事順利時

其實我地仲有件工作袍

BALLMAMA完全忘記左要話佢知有呢件袍

結果當然係死都唔肯著

爆喊左一大輪終於都出發啦

（其實呢刻我都又攰又想喊......)

第一日BALLPAPA請唔到假呀

MAMA要單拖上陣

有巴士到附近

但之後要行15mins先到

30幾度高溫下

為免行到兩個都發脾氣

呢日唯有的士～～ 我地難得嘅合照

原先想喺門口同波哥合照

不過呢個小朋友太心急

堅持要入學校先

學校充滿住呢D扭扭氣球

好強呀！！

課室外有小朋友嘅分組相

波哥要搵返自己呢！

K1唔同PN啦

好多野要自己動手

老師只會教你提你，唔再下下幫你啦！！

波哥返到學校搵老師點名後

換鞋，自己去洗手VEEVEE

未夠鐘前 可以自由地玩下玩具

每班都會分為3小組進行活動

為左俾我地體會一下小朋友平時上堂情況

呢兩日都分別有3個唔同活動

1. 上禮堂同其他班小朋友唱遊

當日波哥開始時仲係好怕醜

不停要痴住媽媽

除左班主任外

其他人同佢講野都即刻逃走搵MAMI

不過到唱遊尾聲時

波哥已經開始放下戒心

會同人玩下笑下

2. 第二PART係認識家庭角

有唔同玩具、顏色筆咁

亦開正波哥個辨～煮飯仔

之後老師同我講返，佢日日都走去玩個雪櫃

 

3. 最後係故事時間

呢個時候

波哥眼中已經無左媽媽啦

一支箭咁衝左去坐喺老師前面

好投入咁聽住改篇版三隻小豬

答下老師簡單問題

呢一刻BALLMAMA終於都可以放鬆心情

亦相信波哥可以好快咁投入新的校園生活

話咁快又到放學時間

原來有蛋糕仔同維他奶 派

波哥當然好開心啦！！HEHE又有得食^^

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

DAY 2

波哥有左第一日經驗後

已經好期待第二日返學校

學校安排短短個幾鐘有3個活動

時間過得好快

小朋水就會覺得好開心亦好期待

今日有爸爸陪相對輕鬆左

波哥介紹爸爸去家庭角

玩佢最心愛煮飯仔

@三樓禮堂

DAY1因為BALLMAMA一個帶住波哥

無手影相

呢日老師教我地玩小魔術

MALIMALI 變～～～

波哥非常投入

老師最後變左隻扭扭狗仔

話最後放學時送俾小朋友

每日都有機會俾波哥上上落落

呢個亦都係佢最期待

但平時明明好鬼懶

去到學校又生猛曬！！

今日家庭角時間就變左油顏色

但同班其實好多都係大仔大女

相對地已經油得好靚

BALLMAMA亦開始感到大家差距

定還是我太放任波哥自由發展？？

放學

帶住老師扭扭氣球離開

波哥個樣確實好滿足感

學校對面有個小公園

好多同學仔都會去

遲下波哥返學坐校車

基本上唔會有機會玩

我地就趁今日去玩下

經過兩日適應期

波哥比想像中順利亦適應得好

媽媽之前所擔心嘅問題都無發生到

雖然開頭有D怕醜仔上身

但爛玩波哥好快就忘記左要痴實爸爸媽媽

最最最緊要係佢好鍾意新學校同老師

呢日就獎佢最愛嘅薯條餐啦！！

《後記》

學校本身無話好唔好

只有適合與否

希望當初為波哥所選擇嘅係正確

未來3年可以盡情享受快樂嘅校園生活

要知道喺HK生活

就要面對繁重嘅讀書壓力

無法改變現實

媽媽能夠做到的就只係將佢稍作推遲......