HAPPY NEW YEAR 1314～

全日FB 同 WHATSAPP不停見到1314
從13（一生）走到14（一世）滿有意思的！！
今晚難得BALL MAMA有時間寫BLOG
實情係成個聖誕假期
不停出席PARTY聚會
確真有點吃不消
結果只有一個
就係波哥病倒了
連帶專門服侍佢嘅專員一號 (BALL MAMA) & 專員二號 (BALL PAPA)都遭殃
一家三口一於HEA住過1314
除夕大餐都唔洗煮
兩位男士亦熟睡如豬
BALL MAMA就寫返篇除夕BLOG

生小朋友後時間過得好快
每日忙東忙西就一日
特別係由無要求的LITTLEBALL變成今日愛扭計嘅波哥
每日花在波哥身上時間越黎越多
相對地充滿住歡笑的時刻亦變多

亦感謝BALL PAPA幫我分擔唔少
以FTM黎講，我相對地輕鬆
BALL PAPA好多時放工返黎都做到無停手
只為我可以輕鬆一下
佢亦可以同波哥親子一下
呢兩父子亦經常笑料百出
沖沖下涼會突然叫我入去
跟住叫波哥企起身
指住波哥個肥肚腩講
“肥豬恒個肚腩大到望唔到自己個咕咕～～”之後兩父子齊齊傻笑:)):)):))
無聊但甜蜜
而呢種甜蜜係二人世界中唔會出現

作為一個FTM
2013見證左波哥無數的第一次

第一次轉身
第一次自己坐
第一次自己爬
第一次企起身
第一次食固體
第一個生日會
第一次坐飛機
第一次叫PAPA
第一次叫MAMA
第一次鍚我
好多好多，根本數唔晒

雖然我口中成日話波哥曳曳又懶又唔合作
但呢個曳曳又懶又唔合作的波哥絕對係我地心頭肉
希望黎緊一年波哥有更大進步
一家三口健健康康咁過
HAPPY NEW YEAR！！！
雖然病病地，仍然送上為波哥而整嘅2014月曆～

Our Christmas Ball - MERRY CHRISTMAS!!

MERRY CHRISTMAS!!
BALL MAMA同波哥已經返左黎兩日啦
不過都仲未有得停
第一日同我地一班山頂朋友開PARTY
尋日0係FAMILY DAY
一家三口出左去食LUNCH再影CHRISTMAS TREE
夜晚簡單D留0係屋企打邊邊
順便休息下～
之後同波哥一瞓竟然成10個鐘有多
好明顯我地仲好攰下～

但BALL MAMA無偷懶

點都要幫波哥影返輯相過聖誕

不過影完先發現波哥眼袋好大下=))

☃好得戚嘅小朋友～

☃好鍾意舅父送嘅呢個袋～ 有意思有意思～

仲特別寫上波哥英文名！！:x

☃波哥一見到呢個紅色CHRISTMAS BALL就唔肯放手

☃波哥：MAMA，有蘋果呀！！ HEHEHE～

☃波哥： 啊～～～

 ☃波哥： UM～～～

☃波哥： 好味道～ 真係點可以咁為食.......

聖誕過後

BALL MAMA會努力寫返個AUS TRIP

等我呀！！;)

MRS＋BABY's AUS TRIP (解開BALLMAMA潛水之迷)

不難發現
最近BALL MAMA潛水潛得非常厲害
為免即將消失的兩星期令大家誤會我又偷懶
BALL MAMA絕對要為自己辯護一下

今次旅程決少左BALL PAPA
因為成12日太長時間啦
BALL PAPA公司太忙唔批假
BALL MAMA只好自己帶住波哥同公公婆婆遠行
平時我絕對唔會揀AUS嫁
因為太遠啦，又無得SHOPPING :))
不過今次係出席舅父仔畢業禮
而舅父仔係超級錫波哥嫁
所以我決定遠少少都帶波哥同行
但長達9小時的航程
我確實十萬個擔心
波哥～ 你要生生性性呀！！！
因為上次日本之旅已經為波哥準備左D小手作
今次唔整啦，無咩時間
照用返上次個批 （反正上次波哥最後去唔成呢！）

話就話AUS而家係夏天

不過今年有少少反常

一時熱到30幾度

一時落雨會跌到10幾度

所以要帶晒兩季D衫去

希望到時波哥去到GOLD COAST可以落水啦！！

去到AUS都會自己煮俾波哥

不過都擔心唔係日日煮到

所以都有入定即袋餸俾波哥開餐用

❤謝謝兩位姨姨送俾波哥的生日禮物❤

波哥都有自己私家喼

放滿零食同玩具

希望順利捱到9個鐘

呢個私家喼仲可以當車仔坐上去玩

一流～～～:-bd

 

二人行的行李

竟然誇張到呢個情況

UM......BALL MAMA仲打算去SHOPPING

買野俾波哥嫁.......

唯有放去公公婆婆個喼到啦！！:D

今晚上機

之後可能要到CHRISTMAS先再見到大家

不過BALL MAMA會嘗試同步UPDATE AUS旅程

預祝大家 MERRY CHRISTMAS

Intelligent Potty

經常潛水嘅BALL MAMA又返黎啦
最近確實係分身不暇
加上波哥越大，瞓少左郁多左
BALL MAMA嘅時間就更加唔夠用
最近波哥的確長大左唔少
進步左，鍾意企
每日不停咦咦哦哦
BALL MAMA真係甜在心
為左唔長期偷懶無更新
BALL MAMA會考慮下間中UPDATE 波哥近照
明明打算用BLOG記錄波哥點滴
點知波哥都成14個月大
BALL MAMA仍然未寫佢1歲生日會......

講返正提
第一次見 Intelligent Potty 係0係一田BB展
http://www.intelligentpotty.com/en/home





賣點有幾個
1. Personalised message & Easy recording
2. No 1 potty training system
3. Ergonomic Design

當時波哥得幾個月大
佢吸引我嘅地方係價錢
$5XX買個Potty
我純粹係八掛望下
當時興趣不大
因為個價$$實在嚇走左我

＊＊咁貴，其實係多左個發聲功能
1）當小朋友VV時，佢會出現流水聲
2）小朋友去完起身就會發出你自己段錄音
（BALL PAPA錄左 “緯恒叻叻”俾波哥）
3）之後就會有音樂鼓勵佢地不這呢3個STEPS會有關連
如果小朋友無VV就會無之後錄音同音樂聲
有時波哥只係POO POO係無聲嫁
不過波哥而家學精左，次次都連VV=))=))=))



最後買左嘅原因係雀巢寄左張LEAFLET
個Intelligent Potty竟然有優惠價$280
好抵，所以無咩點諗就叫左BALL PAPA去搬返黎
都幾麻煩嫁，要Office Hour特登上佢度買
BALL PAPA唯有犧牲食飯時間去托塔:))

其實咁早買定，真係有D反悔
一來阻地方，二來根本未知道有幾好用
雖然，平左好多好多

到波哥一歲後
BALL MAMA終於都搬返個POTTY出黎
第一日試用 24.10.2013
失敗，齋坐無收獲

當然BALL MAMA都好明白到邊有咁易呀！！

第二日再接再勵25.10.2013
早上，成功有VV
波哥得到BALL PAPA一句 “緯恒叻叻”的讚賞
中午，再成功有POO POO
照片有點兒不雅，唔放上黎啦！！:P

之後嘅日子
波哥都交到貨
唔POO POO都有VV
到而家，天氣凍
我會放POTTY入TOILET （初初怕窄又怕濕）
順手開埋浴室寶過佢就唔怕冷親啦
佢有時去VV時聽到有水聲會好古惑笑一下
到起身時又有 “緯恒叻叻”同音樂♫♩♪♬就好開心咁
雖然$280買一個POTTY都有少少貴
但見波哥用得好好，好開心
咩都抵晒

初初買時吸引BALL MAMA原因

1. 樣靚色靚 ❤❤❤（我揀左PASTEL BLUE）係，BALL MAMA我好膚淺

2. 佢嘅錄音同聲音功能

★★★但實際用後感，真係覺得唔錯★★★

（我$1都無收過，係真心覺得唔錯）

1. 仍然係樣靚色靚
2. 清潔方便 （有獨立兜可拎起沖洗）
3. 錄音同聲音流程，可以俾波哥一個習慣，一個期待
    (VV&POO POO) 水聲➠➠➠(起身) 緯恒叻叻➠➠➠ (完成)音樂♫♩♪♬
   特別鳴謝BALL PAPA示範=D>=D>=D>                  

4. 適合人體坐姿設計，BALL MAMA未坐過 但見波哥好似大爺咁就覺得舒服啦！！

 

係嫁～ MAMA係幾無聊
關於波哥嘅所有野我都想分享
如果一日真係有48HRS就更好～
我可以分享更多更多！！

LITTLEBALL成長日誌 ﹣ 14個月

對上一篇成長日誌係11個月的時候
話咁快就到左14個月
BALL MAMA SKIP左中間兩個月
雖然好想寫，但已經有心無力

每日忙東忙西時間好唔見洗

今個月呢篇係堅決要補返俾波哥
BALL MAMA無藉口再偷懶

(雖然呢一刻眼瞓得要死......I-) )

0岩0岩睇返11個月的一篇

相中嘅波哥仲係好BB樣

（SORRY， BALL MAMA仍然未得閒坐定定搬BLOG......

要去YAHOO先睇到舊POST.......)

事隔幾個月，波哥已經大個左好多咁

除左樣貌的長大，佢亦0係不知不覺中學識更多

身高體重記錄

14m - 10.5kg / 77cm

(單憑自己0係屋企量度，如果聽日去健康院有唔同再更新！！）

14個月仍在學步中

係，波哥一如以往

0係呢方面都係有D落後

已經足14個月嘅佢，企得比之前穩陣左

亦開始肯自己用學步車周屋行

不過依然係搖搖下

有時企得行得好D，有時完全不在狀態兼會發脾氣

呢樣係令我最苦惱

眼見其他BB逐一學識行

但波哥進度則極度緩慢

唔擔心係假嘅 ＊聽日就已經要返健康院見姑娘

不過我確實分唔到佢係懶定係唔得

BALL MAMA今個月嘅心願係波哥快D學識行

（細細聲講大家知，每次我BLOG度講完之後，波哥就好快學識:P，佢應該都怕羞怕大家知道佢幾咁懶）

小肌肉發展

相比起大肌肉

波哥呢方面較好

上次去健康院時姑娘話佢拎野算叻

梗係啦，叫佢拎餅仲唔仆到去咩......

其次亦學識左小指令 e.g. BYE BYE, 拍手, 俾

但以上指令都好睇佢大少爺心情，鍾意就不停做，唔鍾意就當然當聽唔到

其實BALL MAMA要求唔高啦，已經收貨，費事再迫佢

當然可以做得更好，期待下個月吧！！

飲食進度

一直都無改變

只有食呢方面係完全唔洗粗心

每日2奶2飯1點心

奶食6-7安絕對唔算多

飯就相對多，食到足足1-1.5個碗仔飯量，餸另計

見佢咁俾面，BALL MAMA就更用心整

（我估BALL MAMA亦只有呢PART係稍為稱職！！煮婦呀，真係日煮夜煮嫁！！）

不過波哥都有唔合作嘅時候

可能唔太鍾意飲水

所以一直都唔肯用飲管杯

終於BALL MAMA忍唔住，買左個AVENT學習杯

打算代替個飲管杯之際

好啦，玩野大王出手

要佢用AVENT就鬼叫，調轉用飲管杯反而好少少......

我應該開心定傷心呢？？

LITTLEBALL的食物清單

其實已經試左好多好多食物，真係寫唔晒

所以以後只會寫新增食物就算～

今個月比較特別係磨茹

由於波哥無咩敏感前科

我會比較放心試新食物！！

牙仔方面，已經出到第8隻

最近日日口水長流

學識用POTTY

而家每日定時放佢落POTTY都會有進帳

BALL PAPA嘅回應係 “懶人食瞓痾係最叻......"

POTTY呢PART我會想另外寫一篇

希望唔會得個講字啦！！

黎到14個月

仍然係開心嘅時間比較多

特別係，我發現波哥係一個愛笑的小朋友

笑點相當之低.....上一次PLAYGROUP得佢一條友不停傻笑KAKAKAKA

麻煩你KEEP住做一個快樂小朋友～

為食Yummy Time ﹣ 一歲後食譜

踏入一歲後
BALL GOR絕對有口褔
因為BALL MAMA開始放寬左
基本上都會俾佢試下
當然仍然唔會太過份
不過，俾咩BB食同幾時俾都係好個人
人人有唔同諗法
絕對無一定嘅食譜

三文魚係其中一樣食物BALL MAMA係等到一歲先食
因為睇過篇報導
越大嘅魚含有水銀越多
但太細嘅BB，身體其實係唔識自行排出水銀
過量的水銀會影響腦部發展
雖然話食少少唔怕
但三文魚嘅水銀應該都唔少
所以BALL MAMA寧願等一等
而家開始俾BALL GOR食三文魚
大概一星期1-2餐

有時會清蒸加入飯就咁食

好彩BALL GOR都唔怕腥

仲食得好滋味

兩小無猜遊樂園

之前5月時買左Disneyland Annual Pass
打算趁Halloween去一次
咁0岩戰友約左食lunch
不如就......入Disneyland食啦

不過如意算盤打錯左
入到去發現無咩Halloween Decoration，得幾個南瓜頭


但兩個小朋友當日好SWEET好好笑
食飽飽準備去玩
一出去，恩言妹妹唔肯坐車
要推住波哥哥行下咁話

    ♀恩言妹妹：波哥哥～ 你係咪好攰呀？？不如我推你啦！！ 

 

    ♂ 波哥哥：你真係知我心意！！（內心奸笑中，HAHAHA！！）

    呀！！！ 俾狗仔隊發現左TIM！！

鏡頭一轉
波哥終於落左車
BALL MAMA又迫佢自己企下
兩個小朋友又走埋一齊
今次係玩相機～～❤❤

      ♂ 波哥哥：恩言妹妹，你過黎呀！！

      ♀ 恩言妹妹：波哥哥，你搞咩呀？？

      ♂ 波哥哥：MAMA部相機呀！我成篤嫁，好好玩～～

      ♀ 恩言妹妹：會唔會俾人鬧嫁？？？

     ♂ 波哥哥：唔會，你試下先啦！！

     ♀ 恩言妹妹： （篤篤篤）HEHE～～好好玩～～

      ♂ 波哥哥：下面仲有好多制嫁！！

     BALL MAMA： 波哥，你篤緊咩？？？﹣.﹣

     ♂ 波哥哥：HEHEHE～ 俾人發現左TIM （扮傻中......)

我地之後去左玩 Slinky Dog Spin

0係下面睇以為好慢
點知......
一個嚇到呆左，一個就喊:-O

我地都真係太勇，都係大個D先好玩

BTW，波哥好鍾意個骨頭

點都唔肯俾返人，狂喊

（波生，你真係當舊骨頭係你自己D玩具呀？？）

唯有玩完之後搶走佢

去Disneyland

離不開同公仔影相

遠處望到Chip 'n' Dale

一如以往

波哥都係好鍾意同公仔影相

今次仲跳埋舞 

波哥真係好開心

細心嘅BALL PAPA睇返相，留意到佢地腳步一致～

影完大合照之後

戰友被急CALL返工

我同波哥當然再玩多陣

食飽飽先走人

之後買埋張相同公仔就走左

入去3次

第一次買相

因為波哥表現太好

BALL MAMA好想留念

就俾個機會自己敗家:P

   

     

波哥準備進入冬眠時期......

誇張的波哥
一踏入秋天不論何時何地......都可以隨時瞓著I-)
唔係講笑，誇張程度100
連我見慣見熟都覺得AMAZING！！！

連續幾日，呢個小朋友都有理無理瞓左先

（嗚嗚.......已經唔再係BB啦......:(( )

第一次

自己玩玩下玩具

Zzz.....Zzzz......睡魔來襲

隻蕉都未拎到，已經失手啦！！

疫苗注射 • MMRV的威力

好多媽媽會選擇唔接受水痘疫苗注射
但為左安心，BALL MAMA一早已安排1歲大的BALL GOR接受疫苗注射
不過就唔係單獨一支水痘疫苗，而係四痘混合疫苗
其實對於水痘疫苗，有好多唔同說法
並唔係個個都贊成注射
雖然都有機會會出水痘，但注射水痘疫苗可以減輕病情
為左呢點，我又覺得有需要



四痘混合疫苗（MMRV）

麻疹、腮腺炎、德國麻疹和水痘
MMRV疫苗可以給予1 到 12 歲的兒童,保護他們免
於得到這四種疾病。 建議接種兩劑MMRV疫苗:
– 第一劑在 12 到 15個月時接種
– 第二劑在 4 到 6歲時接種 (可提前接種,只要距離第一 劑至少 28 天)
這些是推薦接種疫苗的年齡。但是只要兒童第二次接種疫苗的時間與第一次接種時至少間隔三個月,就可 以在12歲之前接種。 

MMRV疫苗有什麼風險?
輕度問題
• 發燒(6 人中有 1 人)
• 輕度皮疹(20 人中約有 1 人)
• 面部或頸部腺體腫大(75 人中約有 1 人)
中等問題
• 由發燒引起的癲癇 (接受MMRV的兒童每1,250人中 約1人),
• 血小板暫時降低,該症狀可能導致不正常出血 (每 40,000名兒童中約1人)。
嚴重問題(非常罕見)
- 耳聾。
- 長期癲癇、昏迷或意識降低。 - 永久腦損傷。
由於這些問題的發生非常罕見,我們無法確定它們是否由疫苗導致。(Information: http://www.immunize.org/vis/chinese_traditional_mmr.pdf)

但BALL MAMA 都擔心BALL GOR會出現發燒的徵狀
所以都係等過埋D生日活動先帶佢去
之前我仲諗BALL GOR會唔會喪喊
點知呢個小朋友掛住聽歌仔
唔單止無喊，仲連叫都無叫
姑娘姐姐笑佢大脾仔夠厚肉，頂得住！！
（其實我比較過，KINETICS 姑娘手勢真係好過健康院好多，BALL GOR多數都無咩反應！！）

講返針後反應
果然，今次注射後幾日就出現低燒情況，仲一燒就三日！！
(初初唔知道係隔幾日先會出現徵狀，BALL MAMA仲取笑BALL GOR遲鈍......)

Photobook - Cake Smash, I'm ONE

BALL MAMA原先都無打算整PHOTOBOOK

不過咁0岩有位姐姐送左張PHOTOBOOK COUPON俾我 

（姐姐，我唔知可唔可以出名呀！！）

我當然要物盡其用 ❤ ❤

不過由於COUPON有期限

我影完相去完旅行

返黎過埋BALL GOR生日先有半日時間去整

好急，因為我要0係限期前搞掂

（BALL MAMA永遠都係咁，唔到最後一刻唔做

已經俾人話過好多次，但就係改唔到......應該教壞左BALL GOR啦！！[-(）

雖然得半日，但BALL MAMA都有花盡❤思去完成

當然時間多D可以更加好

但其實整體我已經好滿意

Video - Cake Smash, I'm ONE

新環境第一篇

仍然係分享BALL GOR的點滴

之前都有提過

我地0係屋企同LITTLEBALL整左個1st Birthday Cake Smash

VIDEO已面世

可能有Bloggers已經0係FACEBOOK度睇過

（BALL MAMA最近實在太忙，無咩時間UPDATE BLOG POST）

效果當然係10個讚

唔講大家亦未必知道係自家制作

無論音樂、剪接、場境

我都覺得有水準嫁（唔知醜自誇中，HAHAHA）

當然，我覺得最有水準嘅

就係個小主角囉

表情一流（一流咁為食........)